Aiszirimola 2h4514

Mondragon Unibertsitateko JAKINGARRIAK aldizkariaren aleetako bat, musikaren hezkuntzan sakontzeko erreportaiaz osaturik dago. Horietako bat izango dugu mintzagai gaurko AISZIRIMOLAn, musika eskolara doanean eta eskolatik at ere bere presentzia eta garrantziaz hitz egitean ohartzen baikara arte mota honek gure pertsonaren garapenean duen pisuaz. Musika zer den aztertuko dugu lehenik, non duen bere sorrera, eta mendeetako ibilbidea zein izan den jakiteko pintzelada batzuk emanez. Musikaren altxorrak ezagutu nahi? Zatoz zirimola honetara!

Autismo kasuak bizitzaren lehen bi edo hiru urteetan antzeman ohi dira, adituek diotenez. Euskal Herrian modu ezberdinetan tratatzen dira kasu hauek, izan ere, Ipar Euskal Herrian psikoanalisiaren alde egiten duten bitartean, Hego Euskal Herrian jendartean integratzeko metodoak lantzen dituzte komunikazio estrategiak garatzeko teknikak eta espazioak irekiz. Argiak artikulu sakona idatzi zuen joan den astean autismoaz. Hortik egingo dugu arrantza gaurko Aiszirimolan, baita wikipediako hainbat datu jasota ere. Bukatzeko, hezkuntza agente eta eragileok, autismoaren bizikidetzan eta hobetze bidean laguntzeko, aintza hartu beharko genukeen elementuetaz mintzatuko gara.

Haurrekin heriotzaz hitz egitea oso zaila egiten zaigu ohikoan. Bai guraso eta baita hezitzaileei ere. Izan ere, gure kulturan eta egungo bizimodu eta ohituretan HERIOTZA gai ukatu eta ekidin ohi dena da. Ez zaigu gustatzen egoera triste eta deseroesoez mintzatzea, eta gure sentimenduak kaleratzea kosta egiten zaigu askotan. Hori dela eta, heriotzari aurre egiteko fasean murgildu behar gara. Eta haur txikiez ari garenean, are gehiago. Egia zor baitiegu gure haurrei, nahiz eta era samurrago batean eta euren hizkuntzan azaltzen ahaelgindu. Heriotza, bizitzaren parte dela ulertu behar dute. Eta gertaera latz batek inguratu baino lehen bada, hobe. Gaia lantzeko zenbait gomendio aurkituko dituzu irratsaio honetan.

Bi gai jorratzen dira oraingo AISZIRIMOLAN. Biak ere HAZI HEZI aldizkariko udaberriko alean azaltzen direnak. Maiatzean egitekoak diren ESKOLA HERRITARRA, HERRI HEZITZAILEAren inguruan aritu gara F. Tonucciren teoriak apur bat hurbildu eta airera ekarri nahian. Era berean, generoaren eraikuntzaz ere artikulua irakurri dugu, argitu nahian, "gure haurrak ez direla ez mutil ez neska jaiotzen"

Balioetan hezteko koadernoen bildumako laugarren alea gai honetaz ari da. Bertako testuak irratira ekarri nahi izan ditugu, eta aniztasunari zein inklusioari bideak irekitzen laguntzeko beste urrats txiki bat eman. Izan ere, aisialdia aukerez josita dagoen bizitzako beste eremu garrantzitsu bat dugu erronka honi heltzeko. Etiketak alde batera utzi eta aniztasunari mutur eraikitzailetik eta positibotik heltzeko parada duzu oraingoan. Aurrera!

Jolasak, tailerrak, errezetak eta ipuinak proposatzen dizkigu JIRA BIRA MUNDUARI BEGIRA argitalpenak. Bizkaiko Urtxintxa Eskolak kulturartekotasuna lantzeko ateratako baliabide pedagokikoa, edozein hezitzailek praktikan jartzeko moduko bilduma. 6-12 urte bitarteko haurrekin lantzeko aproposa da liburu hau. Saio honetan IJITOEN HERRIAn Sarak proposatzen dizkigun jolas, tailer, errezeta eta ipuina ezagutuko ditugu.

BIZKAIKO URTXINTXA ESKOLAk ekoitzitako irratsaioa da, hezkuntza eta hezkuntza ez formalaz aritzen dena. Oraingoan irudimena eta sorkuntza lantzearen garrantziaz arituko gara, baina bereziki, praktikan zer eta nola landu dezakegun deskubritzeko. Horretarako bi ipuin erabiliko ditugu, eta beren bitartez landu daitezkeen hainbat balio ariketa moduan proposatuko ditugu. Baliabidea: Titiriteroen ipuinak

Aiszirimola Bizkaiko Urtxintxa Eskolak Aiaraldea Irratian egiten duen irratsaioa da. Bertan, hezkuntza formala eta ez formalean baloreak lantzeko tresna eta baliabideak lantzen dira.

Haurren eta gaztetxoen sexualitatea nola garatzen da? zer da sexuazio prozesua? nola egin diezaiokegu aurre hezitzaileok, sexualitatea modu erreprimituan bizi ez dezaten? zer ekidin beharko genuke? Hezitzaileon ikuspegitik zenbait gogoeta eta gomendio partekatzen dira irratsaio honetan. TtiKlik Proiektuaren artikulua, Mirari Arandoren sexu heziketaren inguruko hitz batzuk, eta Bizkaiko Urtxintxa Eskolaren "Jaiotzetik sexualitatean hezten" balioen koadernoko atal batzuk hartu ditugu horretarako. Bukatzeko, Ai Zapotxinen (Aiaraldeko gazteen Bertso Eskola) Bertso Berdeak entzungai. On egin!

BIZKAIKO URTXINTXA ESKOLAK pertsonen aniztasunaren inguruan osatu duen irratsaioa da, heziketa premia bereziez hausnartu eta astialdiko hezitzaile, guraso zein irakasleei gomendioak eskaintzeko AISZIRIMOLA. 11. saio honetan Hik Hasiko artikuluez gain, Amagoia Osinalde eta Saioa Odiagaren elkarrizketa laburrak ere izango ditugu entzungai. Premia bereziak ditugu bai, baina nork?

10. irratsaio hau maitasun erromantikoaren teoria eta iritziak jasotzeko erabili dugu, eredu patriarkarrak ezartzen dizkigun menpekotasun eta mugak irauli eta batez ere, hezkuntza mundutik egin beharreko prebentzio lanaz hausnartzeko.

BIZKAIKO URTXINTXA ESKOLAren irratsaio honetan Espainiako Hezkuntza Ministroak aurkeztutako Hezkuntza legearen erreformarako aurreproiektuaz mintzatuko gara. Iritzi eta artikulu ezberdinen zakukada, zertaz ari garen jakin nahian.

Laudio Ikastolak XIII.Hezkuntza Jardunaldiak antolatu ditu aste honetan, eta astelehenetik ostegunera gai ezberdinak hartuta adituak ekarriko dituzte hitzaldi tailer hauetara. 0-18 urte bitarteko haur eta gazteen inguruan mintzatuko dira, elkarrekintzaz, autonomiaz, nerabezaroaz... eta modu honetan, nahi duen irakasle, hezitzaile, guraso... edota interesatuk parte hartu ahal izango du modu irekian. Arratsaldeko 17:3oean hasiko dira saioak, eta gu, lehenbizikoan egon gara. Irratsaio honetara ekarri ditugu Nerea Mendizabal psikopedagogoaren hitzak haurren autonomiaren garapenean, helduok bidelagun izateko hainbat trikimailu kontatuko dizkigu. Audioaren kalitatea ona ez bada ere, entzuteko ahalegina egiteak merezi duelakoan, hor duzue.

BIZKAIKO URTXUNTXA ESKOLAk ekoizten duen irratsaioa da Aiszirimola. Asterik aste gai ezberdin bat aitzakia hartuta gure txikienen eta gazteenen hezkuntzaz aritzeko irratsaioa. Saio honetan garapen esparru ezberdinak kontuan izanik ezaugarriak ezagutuko ditugu, haiekiko hurbilpena eta ezagupena errealagoa eta ulergarriagoa izan dadin.

BIZKAIKO URTXINTXA ESKOLAren irratsaio hau, sormenaren garrantziaz eta haurraren garapenaz hitz egiteko aprobetxatu dugu. Hausnarketarako bide bat. Gozatu eta garunak ireki :D

KIMUTX.EU atarian aurki daiteke baliabide pedagogiko berri hau, auzolanean eraikia. Bertsoak, ipuinak, abestiak... izaki mitologikoen inguruan sortu dira euskarazko material berritzaile gisa duela hilabete eskas. Liburua salgai badago ere, materiala dohan eskuratzeko aukera jarri dute proiektuaren egileek www.kimutx.eu atarian. Hezitzaile gisa erabiltzeko baliabide interesgarria!! Saio honetan ipuin bat eta 4 abesti entzun daitezke. Gozatu!!

Balioen hezkuntza lantzeko Bizkaiko Urtxintxa eskolak egiten duen irratsaioa Aiaraldea Irratian

BIZKAIKO URTXINTXA ESKOLAk ekoitzitako irratsaioa da Aiszirimola. Astearte arratsaldero 30 minutuz aireratzen dena. Irratsaioo honetan gabonetan opariak eta jostailuak aukeratzean aztertu beharreko hainbat kontu aztertuko ditugu. Jostailu eta jolasek gure haurren hezkuntzan eta garapenean duten eraginaz mintzatuko gara, eta ondorioz, hauek sexismoa areagotzen izan dezaketen eragina aztertuko dugu. Bukatzeko, berdintasunean hezteko gomendio batzuk. Informazio iturriak: Guraso.com, Topatu.info, Argia.com eta Urtxintxaeskola.org-tik hartuko ditugu

Hezitzaileentzako baliabiabide bat aztertzen da atal honetan: katramila, goizetik gauerako abesti-jolasak. Programa honetan hezitzaileentzako zenbait gomendio aztertzeaz gain, katramilaren cd-liburuan dauden errutinak eta balioak lantzeko hainbat proposamen entzungo ditugu.

Bizkaiko Urtxintxa Eskolak ekoitzitako irratsaioa. Balioen hezkuntza eraldaketarako tresna. Hezkuntza formala eta ez formalean sakontzeko irrati saioa.