Klaketa 445g1w

“Brinkola” telesail entzutetsua hamabigarren “Klaketa” ataleko edukia dugu. Horretarako, antzerkian, telebistan eta zineman bide luzea egin duen Mikel Laskurain aktorea da Gaizka Izagirreren gonbidatua. Kultuzko seriea bilakatu zen askorentzat, 2009an estreinatutako telesaila, eta halaxe jarraitzen du.

Xabier Berzosa ekoizlearekin solastu da Gaizka Izagirre, “Urte berri on, Amona!" Filmaz "Klaketa"ren atal honetan. Haren ibilbide luzean emandako urratsak, egin dituen lan ezberdinak eta ekoizle baten lan egiteko modua azaldu dizkigu gonbidatuak.

Amama filma da “Klaketa”ren 10. ataleko hizketa gaia. Bi mundu ezberdinen arteko talka agerian utzi nahi du filmak. Hitz gutxiko filma da eta garrantzia berezia du musikak eta soinu bandak, horrexegatik da gonbidatua Maite Arroitajauregi musikaria. Filmetarako musikaren sormenaz, bidean topatzen diren zailtasunez eta hauek gainditzeko bideaz ere aritu gara.

Asier Altuna, zine zuzendari eta gidoilaria, dugu “Klaketa”ren atal honetako gonbidatua. “Aupa Etxebeste” eta “Agur Etxebeste” filmak hartuko ditugu hizpide, bakarka eta Telmo Esnalekin batera egindako ibilbidea luzea jorratzeko. Bi filma horietan gertatutako hainbat pasarte errepasatu ditugu, aldi berean, euskal umorea pantailan zer nolako sasoian dagoen aztertuz.

Covid garai latzean izan genuen albiste on gutxitako bat izango dugu hizpide "Klaketa" podcastaren atal honetan, lau ataletan osatu zen “Hondar ahoak” seriea. Solaskidea, Koldo Almandoz, ibilbide oparoko zinegilea du Gaizka Izagirrek. Bera izan zen seriearen zuzendari eta gidoilaria. Euskal kostaldeko arrantza portu batean gertatzen den intrigazko istorioa da eta bigarren denboraldia izango du.

Lau hamarkada joan dira “Kalabaza Tripontzia” (1985) estreinatu zela, euskarazko lehen animaziozko film luzea. Euskal kondairak, mitoak eta istorioak oso presente daude filmean, eta bertako pasarteetan oinarrituz, film aitzindari hori sakon ezagutuko dugu. Imanol Zinkunegi animazio zuzendaria du atal honetan solaskidea Gaizka Izagirrek, marrazki animatu horien xehetasun guztiak arakatzeko. Filma bera ez ezik, euskal animazioaren egungo egoera aztergai dute, adimen artifizialaren eragina nabarmentzen ari denean.

Maider Oleagak zuzendutako “Muga deitzen da pausoa”, Elbira Zipitria anderenoaren nondik norakoak kontatzen dituen film dokumentala da “Klaketa”ren atal honetako hizpidea. Izaskun Arandia izan zen dokumentalaren ekoizlea eta bere kontakizunaren bitartez, xehatuko ditugu proiektuan izandako gorabeherak. Arandiaren lana, ibilbidea eta ekoizleen zeregina nolako izaten den ekoizpenetan.

Hogeita hamar saritik gora eskuratu ditu 2009an argitaratu zenetik Joxe Mari Goenaga eta Jon Garanoren “80 egunean” filmak. 70 urteko bi emakumeren arteko harremanean oinarritzen da, eta begiradek, keinuek eta isiluneek garrantzi handia hartzen dute. Ane Gabarain da filmaren protagonistetako bat eta berak azaldu dizkigu filmaren ingurukoak “Klaketa” podcastaren atal honetan. Bide batez, 2025ko Goya saridunarekin bere aktore ibilbidean sakondu du Gaizka Izagirrek.

Baserri giroan gertatzen den “Ander” filma izango da, Josean Bengoetxea aktore ezaguna sakonago ezagutzeko bidea “Klaketa” podcastaren atal honetan. Filma 2009. urtean estreinatu zen arren, hamar urtez egon zen, zinema aretoetan estreinatu gabe. Bi gizon homosexual protagonista dituen filmak izugarri markatu zuen protagonista, bestelako mundu batean murgildu behar izan zuela aitortu izan du.

Euskaraz egindako filmen artean, mugarria izan da “Irati”, 2022an ekoitzitako pelikula. Besteak beste, euskaraz ekoitzitako filmen artean ikusiena eta aurrekontu handienekoa delako. Ez da bide erraza izan, ordea, eta arrakasta horren atzean dagoen lan eskergaz aritu da Gaizka Izagirre Paul Urkijo, zuzendariarekin solasean “Klaketa”ren atal honetan.

David Perez Sanudok zuzendutako “Azken Erromantikoak” filma, 2024. urtean estreinatu zen. Miren Gaztanaga aktore protagonista nagusia da atal honetako gonbidatua. Ibilbide luze bezain oparoa egin du Gaztanagak antzerkigintzan, eta besteak beste, zinemarako jauzia nola bizi izan duen jorratu du Gaizka Izagirrerekin solasean. Filmean ukitzen diren gai sozialez ere hitz egin dute, familia, lan baldintzak edota buruko osasuna.

Jon Garanok eta Aitor Arregik 2017. urtean idatzi eta zuzendutako euskal filma da “Handia”. 1818an Altzon jaio eta “Altzoko Handia” izenarekin oso ezagun izandako Migel Joakin Eleizegiren benetako historia kontatzen du, gigantismoa zeukan.2018an 10 Goya sari eskuratuta mugarri izan da euskal zinemagintzan. Makillajean eta ile-apainketan egindako lanak jaso zuen horietako bat. Ainhoa Eskisabel izan zen filmeko makillaje eta ile-apainketa burua eta berak emandako azalpenekin sakondu dugu filmean.