Lume na palleira 32048

Lume na palleira 05-01-2025

Lume na palleira 29-12-2024

Neste programa ofrecemos unha variada escolma de propostas musicais galegas de raíz a cargo de Volta E Dalle, Os Chavellos, Ker Cuez, Xascariz, Ailá, Leni Pérez & Roberto Comesaña, Caldo, Xoán Carlos Rilo, Mediarea, De Ninghures, Isidro Vidal, Onte E Hoxe, Eliseo Parra & Davide Salvado & Fergus & Cibrán Seixo, Tanxugueiras, Javier Franco, Quico Comesaña, Mondra, Encrucillada, Kornucopia, Coribantes, Treixadura, Barahúnda e Malvela.

Hoxe visita o programa o cuarteto Tor para falarnos do seu novo traballo: "Zira". Conversamos cos seus compoñentes, Castor Castro, Felix Castro, Álvaro Iglesias e Xosé Liz. Ademáis, na sección "O recuncho da palleta" escoitaremos pezas do ciclo de Nadal.

Recibimos no programa aos compoñentes de Ailá: Ánxela Carou, Manuele Pardo, Xan Pampín e a última incorporación, a zanfonista Manu Fraguela. Traen baixo o brazo o seu novo traballo, "Tradimensional", unha homenaxe a tódalas vivencias que rodean o baile e a música tradicional. Na sección O Recuncho da Palleta presentamos o novo volume de partituras publicado por Xosé Manuel Fernández, o fundador de Muxicas.

Conversamos cos requinteiros da Gaita de Sarandón e coñecemos o seu novo traballo "Requinta sempre". Escoitamos en primicia o novo disco de De Ningures e a colaboración de Ailá con Icía Kirk. No "Recuncho da Palleta" recibimos a Cándido Peiteado, un mestre do acordeón diatónico.

“Vinde todas” é o primeiro álbum de Carmela, un traballo que se asenta na investigación etnográfica, na tradición oral. As protagonistas son as mulleres que achegaron as melodías e as súas técnicas interpretativas. Carme López fálanos da súa traxectoria profesional e do disco e tamén é a convidada do "Recuncho da palleta", espazo no que abordará a relación de Rosalía de Castro coa música tradicional.

Entrevista aos compoñentes da Banda de Gaitas Tradicional Airiños de Fene, que nos presentan a XXXVI edición da súa Xuntanza de Gaiteir@s, que se desenvolve o 26 de novembro - Escolma de música galega ao son de Tor, Carmela, Fillas de Cassandra, Brúa, Xabier Díaz & Adufeiras de Salitre, Encrucillada, Susana Seivane, Leilía, A Quenlla, Xistra de Coruxo, Fernando Barroso, Airiños Da Peneda, Airiños do Mar de Teis, Fuxan Os Ventos & Milladoiro e Isidro Vidal.

A música tradicional portuguesa asolaga este programa co noo disco-libro de Maré. Entrevistamos a unha das compoñentes do colectivo, Celina Da Piedade. Ademáis, avanzamos o novo de Carme López (Carmela) e de Tor. No Recuncho da Palleta falamos con Javier María López do seu traballo sobre Herminio Villaverde e a trompa da Fonsagrada.

Hoxe facemos unha seleccións de discos que acaban de publicarse e incluimos pezas aínda inéditas. Soan Zoelas, Milesios, Coanhadeira, Breo, Alana, Brincadeira, Os Carunchos, A.C. Mestre Manuel Gacio, Ansuíña, Os Do Fondo Da Barra e Xoán Carlos Rilo. No "Recuncho da palleta" coñeceremos o libro de partituras "Gaiteiros ao piano", de Xaime Estévez.

O convidado do programa de Hoxe é o gaiteiro, vasco de nacemento e de corazón galego, Xoan Carlos Rilo. Con el escoitaremos algunhas pezas do disco co que remata a triloxía "O ronsel do meu sentir" e falaremos cos seus colaboradores neste traballo. Ademáis, no "Recuncho da palleta" recibimos aos activistas que organizan a rota gaiteira do Ulla Pasabodeghas.

O 12 de Outubro Breo presentou en vivo o seu primeiro disco, "Máis alá". Recibimos no programa a Mugui, Bieito, Sandra, Rubén e Samuel, os integrantes desta banda formada hai dous anos que mestura a música tradicional con novos sons. No "Recuncho da palleta" visítanos Suso Vaamonde coa súa publicación “Nova Técnica De Pandeireta Galega”.

"7273" son os quilómetros cadrados da provincia de Ourense e tamén o título do novo disco de Coanhadeira. Sobre el falamos con Óscar Freire, Vadim Yukhnevich e Marcos Pérez, tres dos membros do grupo. Ademáis, na sección "O recuncho da palleta" escoitamos os sons da Mostra de Música Tradicional organizada pola AGG na festa do San Froilan de Lugo.

Hoxe visítanos o trio Alana, un grupo que mestura a música tradicional galega con ritmos contemporáneos de base electrónica e pop. Veñen co seu primeiro disco baixo o brazo, "O Xeito Á Cántigha". Ademáis, reunímonos con Gustavo Couto no seu "Recuncho da palleta" e recibimos a Fran Sieira para que nos fale do seu espectáculo "Ceibe"

Comezamos a 33ª tempada radiofónica de Lume Na Palleira co noso habitual 'Recuncho da palleta', con Gustavo Couto presentándonos algúns dos contidos da nova tempada de Recunchos. Ademais entrevistamos ao grupo Ansuíña, co que presentamos o seu primeiro disco tras 35 anos de traxectoria.

Peche da 32ª tempada radiofónica con novidades portuguesas: Luís Peixoto, Carlos Martins e Maré. O Recuncho Da Palleta con Gustavo Couto presentándonos as programacións da XXI Festa Rachada Da Baña e do XI Festival Folk Do Carboeiro. E, por último, entrevista ao grupo Brúa na que foi a presentación do seu primeiro traballo discográfico.

O Recuncho Da Palleta con Ramón Dopico e a visita de Brincadeira para presentar o seu novo disco “No Palco Da Música”. Entrevista ao grupo Os Do Fondo Da Barra co gallo da presentación da súa estrea discográfica “BâNZô”.

Presentamos a 39ª edición da Festa da Carballeira de Zas, cunha conversa con Fidel Otero como representante da organización. Entrevista ao grupo Cantometrics co gallo da presentación do seu primeiro traballo discográfico.

O grupo Os Carunchos, que cumpre 30 anos de intensa e moi meritoria traxectoria musical, visítanos para falar da súa nova publicación recén editada. Neste novo traballo, en formato de libro-disco, homenaxean ao grande poeta Manuel María. O título que escolleron é “Unha Gorxa Chea De Paxaros”.

Ofrecemos as músicas das tres formacións finalistas na edición deste ano do Certame Runas, do Festival Internacional do Mundo Celta de Ortigueira. O Recuncho da Palleta con Guillerme Inácio e unha nova entrega dos seus especiais “Mestras da tradición”. Nesta ocasión a protagonista é Amparo Voces. Entrevista ao grupo Milesios co gallo da presentación do seu novo disco “Cartografías”.